Atom energetıkasynyń artyqshylyqtary qandaı?
Parlament Májilisiniń depýtaty Nıkıta Shatalov Halyqtyq shtab alańynda Qazaqstannyń atom elektr stansıasyn (AES) salý qajettiligi týraly negizgi suraqtarǵa jaýap berdi. Ol AES-tiń dástúrli kómir jáne bý generatorlarynan artyqshylyǵy, sondaı-aq uzaq merzimdi perspektıvada elimizge qandaı paıda ákeletinin túsindirdi, dep habarlaıdy aqshamnews.kz.
Atom energetıkasynan elder nege bas tartpaıdy?
Kóptegen adamdar qazirgi tańda elder atom energetıkasynan bas tartyp jatqanyn aıtyp jatady. Alaıda bul olaı emes. Depýtat Nıkıta Shatalov bul pikirdi teriske shyǵardy:
"Kóptegen elder, kerisinshe, 2050 jylǵa deıin atom energetıkasyn ulǵaıtý jóninde memorandýmǵa qol qoıdy. Álem atom energetıkasynan bas tartý úrdisin ustanbaıdy. Shyn máninde, atom energetıkasyn úsh ese ulǵaıtý josparlanýda, Qytaı da beıbit atomdy qoldanýdy arttyrmaqshy. Eger biz atom reaktorynan, beıbit atomnan bas tartý prosesin kórgen bolsaq, mundaı aýqymdy qurylys bolmas edi", – dep atap ótti Shatalov.
Atom energetıkasy — Qazaqstan úshin turaqty energıa kózine qol jetkizý men ekonomıkalyq damý úshin uzaq merzimdi sheshim. Eldiń energetıkalyq qaýipsizdigin qamtamasyz etý men ekologıalyq turǵydan taza tehnologıalardy engizý — basty maqsattardyń biri.
Qazaqstannyń bolashaǵy úshin AES jobasyn qoldaý — turaqtylyq pen damýǵa negiz bolmaq!