Qazaqstanǵa AES ne úshin kerek? Onyń qandaı tıimdi tustary bar?
Qazaqstannyń BAYTAQ jasyldar partıasynyń tóraǵasy Azamathan Ámirtaıdyń aıtýynsha, zamanaýı atom elektr stansıalary (AES) qaýipsiz ári qolaıly energıa kózi bolyp tabylady. Bul týraly ol qoǵamǵa arnap jasaǵan úndeýinde aıtty, dep habarlaıdy aqshamnews.kz
AES salý taqyrybyna qatysty qoǵamdyq talqylaý búgin aıaqtaldy. Bul másele qoǵamda qyzý pikirtalas týdyryp, pikirler ekige bólindi. A. Ámirtaıdyń pikirinshe, qazirgi tańda qoldanylyp júrgen kómir energıasy ekologıaǵa keri áserin tıgizýde. Ol Qazaqstannyń ekologıalyq taza óndiris pen qorshaǵan ortany qorǵaý maqsatynda AES salýdyń mańyzdylyǵyn atap ótti.
"Bizdiń maqsatymyz – elimizde taza aýa men taza sýdy qamtamasyz etý, ekologıalyq taza óndiristi qalyptastyrý. Álemde taza, jasyl energıa kózi retinde atom energıasy tanylǵan. Damyǵan elder buǵan áldeqashan kóz jetkizgen. Sebebi klımatty turaqty ustap qalý jáne qorshaǵan ortany qorǵaý máselesin tek atom elektr stansıasy arqyly qamtamasyz etýge bolady," - dedi Azamathan Ámirtaı.
Bul pikirler Qazaqstanda AES salý máselesin qaıtadan kún tártibine shyǵardy. Ámirtaıdyń aıtýynsha, eldiń energetıkalyq bolashaǵyn qamtamasyz etý úshin AES salý qajetti jáne oryndy sheshim bolyp tabylady.