Reglamenttiń bolmaýy ákimdiktiń laýazymdy adamdary men jerdi jalǵa alýshylar arasynda jemqorlyq áreketterin týǵyzady.
«Bıznes jol» jobasy iske asyryla bastaǵaly beri jerdi jalǵa alý máselelerinde 70 jýyq kásipkerdiń quqyqtary qorǵaldy, dep habarlaıdy Almaty-akshamy.kz Azattyq Ruhy-na silteme jasap.
Sybaılas jemqorlyqqa qarsy qyzmettiń baspasóz qyzmeti habarlaǵandaı, vedomstvo QR Aýyl sharýashylyǵy mınıstrliginiń Jer resýrstaryn basqarý komıtetimen birlesip, jer qatynastary salasyna taldaý júrgizgen.
Belgili bolǵandaı, SHOB sýbektileriniń aıtýynsha, olar jer ýchaskelerin jaldaý merzimin uzartý kezinde turaqty túrde kedergiler men negizsiz bas tartýlarǵa tap bolǵan.
«Jergilikti atqarýshy organdar Jer kodeksiniń normalaryn ózdiginshe túsindirip jáne ýaqyt sozyp, jer komısıalarynyń qaraýyna jaldaý merzimin uzartý týraly ótinishter joldaǵan. Jer kodeksiniń 12-babyna sáıkes komısıanyń mundaı ókilettikteri joq», - delingen Antıkor habarlamasynda.
Taǵy bir mańyzdy másele – merzimderiniń aıaqtalýyna baılanysty jaldaý merzimin uzartýdan bas tartý.
«Ákimdikter mundaı tájirıbeni jalǵa alýshylardyń jańa merzimge jer paıdalaný shartyn jasasý nıeti týraly ýaqtyly habarlaý jónindegi mindetterdi buzýymen túsindiredi. Sonymen qatar jaldaý merzimi aıaqtalǵan jaǵdaıda, óz mindetterin tıisinshe oryndaǵan ýaqytsha óteýli jer paıdalanýshynyń basqa adamdar aldynda jańa merzimge shart jasasýǵa basym quqyǵy bar (JK 37-babynyń 2-tarmaǵy). Bul jaǵdaıda adal jalǵa alýshy komısıa jasamaı-aq sharttyń merzimin uzartýǵa quqyly. Sondaı-aq zańnamamen rettelmegen jańa merzimge jaldaý shartyn jasaý jasyryn memlekettik qyzmeti anyqtaldy», - delingen habarlamada.
Qazirgi ýaqytta reglamenttiń bolmaýy «bir tereze» qaǵıdatyn buzyp, ákimdiktiń laýazymdy adamdary men jer ýchaskelerin jalǵa alýshylar arasynda jemqorlyq táýekelderiniń týyndaýyna yqpal etedi.
«Sybaılas jemqorlyqqa qarsy qyzmettiń usynymdary boıynsha mundaı zańsyz tájirıbe Almaty qalasynda, Aqtóbe, Shyǵys Qazaqstan oblystarynda jáne Jetisý oblysynda toqtatyldy. Sondaı-aq QR ASHM Jer resýrstaryn basqarý komıteti jergilikti atqarýshy organdardyń atyna ýaqtyly habarlamaýǵa baılanysty jer ýchaskelerine jalǵa berýdi uzartýdan bas tartý tájirıbesin boldyrmaıtyn naqty túsiniktemeler joldady», - delingen habarlamada.
Atalǵan túsinikteme adal jer paıdalanýshylardyń quqyqtary men zańdy múddeleriniń buzylýyn joıýǵa, jemqorlyq táýekelderin azaıtýǵa, sondaı-aq jer berýdiń biryńǵaı tájirıbesin qalyptastyrýǵa múmkindik beredi.