CNN Travel 2025 jyly saıahattaýǵa turarlyq 25 baǵyttyń tizimin jarıalap, Qazaqstandy erekshe mártebege laıyq dep tanyldy6 dep habarlaıdy aqshamnews.kz.
Atap aıtqanda, Almaty qalasy saıahattaýǵa tıis eń úzdik baǵyttardyń qataryna endi. Qala keń tabıǵı landshafttar men damyp kele jatqan ýrbanıstik mádenıetti biriktiretin erekshe atmosferasynyń nátıjesinde Ortalyq Azıanyń «jańa stıl astanasy» dep ataldy.
CNN Travel atap ótkendeı, Almaty — dámi til úıiretin taǵamdardan bastap, túngi ómir, zamanaýı óner men mádenıeti órkendep kele jatqan álemdegi sırek qalalardyń biri. Sonymen qatar Tán-SHan taýlarynyń eteginde ornalasýy saıahatshylarǵa tabıǵattyń taza sulýlyǵyna ońaı qol jetkizýge múmkindik beredi.
Qalanyń basty kórikti jerlerine metropolıten stansıalary, Ábilhan Qasteev atyndaǵy Memlekettik óner mýzeıi men 2025 jyly jańa ǵımaratqa kóshetin «Selınnyı» zamanaýı mádenıet ortalyǵy jatady. Sondaı-aq Almaty Neo Nomad asqanasynyń otany bolyp sanalady. CNN Travel Medeý ańǵaryndaǵy AUYL meıramhanasyn erekshe usynyp, gastronomıalyq saıahatty dál osy jerden bastaýǵa keńes beredi.
Redaktorlar Almatyǵa jetý burynǵydan da ońaı bola túskenin atap ótken. Qala Eýropa, Azıa jáne Taıaý Shyǵys elderimen tikeleı áýe reısterimen baılanysady. Sonymen qatar Qazaqstan kóptegen el, sonyń ishinde AQSH, Kanada, Aýstralıa jáne Ulybrıtanıa azamattary úshin vızasyz rejım usynady.
Almaty óziniń biregeı mádenıeti, tabıǵı baılyǵy jáne zamanaýı erekshelikterimen Ortalyq Azıanyń jetekshi týrısik ortalyǵy mártebesin nyǵaıta túsýde.
Tolyq tizimdi myna silteme arqyly kóre alasyz:
https://edition.cnn.com/travel/best-destinations-to-visit-2025/index.html