QR Sybaılas jemqorlyqqa qarsy is-qımyl agenttigi Memleket basshysynyń zańsyz satyp alynǵan aktıvterdi izdeý jáne qaıtarý jónindegi tapsyrmalaryn oryndaý maqsatynda «Sháken Aımanov atyndaǵy «Qazaqfılm» AQ burynǵy prezıdentiniń qylmystyq áreketin áshkereledi.
2017 jyly Almaty oblysynyń İle ózeni jaǵasyndaǵy «Kóshpendi» kınojobasy aıasynda salynǵan jasandy «Túrkistan» bekinisi Mádenıet jáne sport mınıstrliginiń burynǵy basshylyǵymen úlestes komersıalyq uıymnyń naryqtyq qunynan 44 ese tómen baǵamen satylǵan, dep habarlaıdy almaty-akshamy.kz QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
Qazirgi ýaqytta osy aktıvti jáne jer ýchaskesin memleketke qaıtarý boıynsha sharalar qabyldanýda.
Qylmystyq-prosestik kodeksiniń 201-babyna sáıkes ózge aqparat jarıa etýge jatpaıdy.
Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.