Alyptar aıqasy
«Qazaq tıtany» laqap atymen tanymal alyp kúsh ıesi Almat Jumanov «Wicked N’ Bad na Dubai P7 Arena» promoýsheniniń Dýbaıda (BAÁ) ótken týrnırinde óner kórsetti, dep habarlaıdy Almaty-akshamy.kz QazAqparatqa silteme jasap.
Sports.kz saıtynyń málimetinshe, A.Jumanov týrnırde ózin «Iran Halki» dep ataıtyn ózge palýan Sadjad Garıbımen kezdesti.
Olar jekpe-jekti boks erejesi boıynsha eki mınýttan tórt raýnd formatynda ótkizdi.
Aıqasta «Qazaq tıtany» jeńiske jetti – ol birinshi raýndta-aq oponentin tehnıkalyq nokaýtqa jiberdi.
Eske salaıyq, «Qazaq tıtany» alyp zattardy kóterýmen, súıreýmen tanymal. Ol bıylǵy sáýir aıynda AN-72 ushaǵyn ornynan qozǵap, Gınnes rekordtar kitabyna endi.
Al «Iran Halki» bodıbıldıngte aýyr zattardy kóterýmen tanymal. Onyń dene bitimi áleýmettik jelide tanymaldylyq alyp keldi: boıy 188 sm, salmaǵy 177 kg (onyń kóbi bulshyq et).