QR Mádenıet jáne aqparat mınıstrliginiń qoldaýymen TikTok Qazaqstandyqtardy qazaq tildi jáne otandyq úzdik fılmder baıqaýyna, sondaı-aq #tiktokshortfilm álemdik jobasyna qatysýǵa shaqyrady, dep habarlaıdy almaty-akshamy.kz
TikTok úshinshi jyl qatarynan #TikTokShortFilm ótkizbekshi. Baıqaýda 55 eldiń avtorlary búkil álemge, mıllıardtan astam kórermenge óz shyǵarmashylyǵyn bólisedi.
2024 jylǵy 21 aqpannan 15 naýryzǵa deıin qatysýshylar baıqaý sharttaryna sáıkes keletin uzaqtyǵy bir mınýttan asatyn túpnusqa beınerolıkti tikeleı jarıalaýy qajet.
«Bas júlde», «Úzdik senarı», «Úzdik rejıserlik jumys» nomınasıalar jeńimpazdaryn bedeldi qazylar alqasy anyqtaıdy. Jeńimpazdar Fransıadaǵy 77-shi Kann kınofestıvalinde ótetin #TikTokShortFilm marapattaý rásimine shaqyrylady.
«Bas júlde» nomınasıasynyń jeńimpazy 10.000 eýro kóleminde syıaqy alady, qalǵan eki nomınasıa boıynsha úzdik jumystardyń avtorlaryna bolashaqta shyǵarmashylyǵyn damytý úshin 5.000 eýrodan beriledi.
Sondaı-aq Qazaqstan avtorlary da dál sol kúnderi jergilikti qysqa beınefılmder baıqaýyna qatysa alady.
«Qazaqstandaǵy eń úzdik qysqa fılm» jáne «Qazaq tilindegi eń úzdik qysqa fılm» atty eki nomınasıa boıynsha jumystar qabyldanady. Baıqaý jeńimpazdary Kann kınofestıvaline qatysady.
Aıta keteıik, ótken jyly #tiktokshortfilm heshtegimen 2 mıllıonnan astam vıdeo túsirilgen.