Oqý baǵdarlamasynyń maqsattaryn qaıta qaraý máselesi de kóterilgen.
Bul týraly QR Bilim jáne ǵylym mınıstri Asqat Aımaǵambetov aıtty, dep habarlaıdy Almaty-akshamy.kz Qazaqparatqa silteme jasap.
«Eń basty másele osy eki pánniń (qazaq tili men ádebıeti) oqý baǵdarlamasyn jańartý bolatyn. Olardyń oqý baǵdarlamasyn mindetti túrde jańartýymyz kerek. Jınalysqa (Qazaq tili jáne ádebıeti páni muǵalimderi sezi) kelgen barlyq muǵalimniń kótergen máselesi de osy. Qazaq ádebıetiniń mazmuny bolsyn, qazaq tili pániniń mazmuny bolsyn, árıne biraz jetildiretin másele bar. Sondyqtan jumys tobynyń otyrystarynda aıtylǵan búkil másele sheshimin tabýy kerek. Onyń ishinde oqý baǵdarlamasynyń maqsattaryn qaıta qaraý máselesi de kóterilgen edi. Oqytylatyn shyǵarmalar, gramatıkalaý júıesi, jas erekshelikterin eskerý jáne basqa da máselelerdi áriptesterimiz kóterdi. Sol sebepti osy problemalardy sheshýdi ári qaraı jalǵastyrý kerek. Muny osy jyly mindetti túrde tolyq sheshýimiz qajet», - dedi Aımaǵambetov Bilim mınıstrliginiń apparat jınalysynda.
Mınıstrdiń aıtýynsha, sıez barysynda basqa da máseleler kóterildi. Ol máseleler de ýaqyty kelgende jan-jaqty pysyqtalatyn bolady.