Qazaqstan Respýblıkasy Ǵylym jáne joǵary bilim mınıstrligi Ǵylym komıteti M.O. Áýezov atyndaǵy Ádebıet jáne óner ınstıtýtynyń uıymdastyrýymen Almatydaǵy Qazaqstan Respýblıkasy Ulttyq kitaphanasynyń «N.Dáýletova» atyndaǵy zalynda Instıtýttyń 90 jyldyq mereıtoıy aıasynda «ULTTYQ ÁDEBIETTANÝ MEN ÓNERTANÝ: TARIH TAǴYLYMY JÁNE ZAMANAÝI İZDENİSTER» atty dóńgelek ústel ótti.
İs-sharaǵa belgili ádebıettanýshy jáne ónertanýshy ǵalymdar, JOO-nyń oqytýshylary men doktoranttary, BAQ ókilderi qatysty. Dóńgelek ústelde QR Ǵylym jáne joǵary bilim mınıstri, QR Mádenıet jáne aqparat mınıstri jáne JOO-nyń rektorlarynyń quttyqtaý hattary tabystaldy.
Jıyn barysynda qazirgi ádebıettaný men ónertaný ǵylymynyń ózekti máseleleri talqylanyp, M.O. Áýezov atyndaǵy Ádebıet jáne óner ınstıtýtynyń 2024 jyly jaryq kórgen ádebıettaný, ónertaný, fólklortaný baǵytyndaǵy ǵylymı zertteýleriniń, akademıalyq jınaqtarynyń tanystyrylymy jasaldy. Atap aıtqanda:
- «Ahmet Baıtursynuly, Maǵjan Jumabaev shyǵarmalarynyń akademıalyq tolyq jınaǵy»;
- «Fólklor jáne qoǵamdyq sana»;
- «HHİ ǵasyr ádebıettanýy: termınder sózdigi»;
- «M.O.Áýezov shyǵarmashylyǵyn mádenıetter dıalogy aıasynda zertteý»;
- «Abaı murasyndaǵy ulttyq jáne jalpyadamzattyq: ýaqyt pen keńistiktegi rýhanı tranzıt»;
- «Qazaq postfolklory»;
- «Túrki halyqtary qaharmandyq eposynyń salystyrmaly tıpologıasy»;
- «Balalar ádebıetiniń pánaralyq aspektileri»;
- «Alash qaıratkerleri jáne ulttyq fólklor»;
- «Altyn Orda dáýiri jáne qazaq fólklory»;
- «Qazirgi poezıadaǵy modıfıkasıa: stıl, yrǵaq, forma»;
- «Alpamys batyr» jyrynyń úsh tildegi nusqasy»;
- «Qazaqstandyq ónertaný ǵylymy: postkeńestik dáýirdi zertteýdiń jańa tásilderi»;
- «Sydyq Muhamedjanovtyń shyǵarmashylyǵy: ýaqyt enshisindegi ǵasyrlar úni»;
- «Jańa qazaq ádebıeti: daryndy jastardyń shyǵarmashylyq jetistikteri»;
- «Ortalyq Azıa ádebıeti: postotarlyq estetıka jáne ádebı baılanystar;
- «Izobrazıtelnoe ıskýsstvo ı arhıtektýra Kazahstana v perıod nezavısımostı: stıl epohı ı preemstvennosttradısıı;
- «Kazahskaıa tema v rýsskoı lıteratýre: ımagologıcheskıı dıskýrs» atty ujymdyq monografıalardyń:
-«Sherıazdan Eleýkenov jáne ádebıettaný ǵylymynyń ózekti máseleleri»;
- «Áýezov úıi» ǵylymı-mádenı ortalyǵy jáne mýzeıdi qalyptastyrýdaǵy Láılá Áýezovanyń tarıhı róli»;
- «Qazirgi ádebıettaný, ónertaný jáne fólklortanýdyń ózekti máseleleri;- «Orazgúl Nurmaǵambetova jáne epostaný máseleleri» atty halyqaralyq konferensıa materıaldarynyń tusaýkeser rásimi ótti.
– Ǵylym úlken qajyr-qaıratty qajet etedi. Ǵylymı eńbekter bolashaq urpaq úshin óte qundy jádiger sanalady, – dedi QR UǴA akademıgi, fılologıa ǵylymynyń doktory K.Matyjanov.