Arnaıy top quryldy.
Qazaq-Qytaı shekarasyndaǵy "Nur Joly – Qorǵas" ótkizý pýnktindegi kepteliske baılanysty bas kólik prokýratýrasy men memlekettik kirister komıtetiniń qyzmetkerlerinen turatyn top quryldy, dep habarlaıdy aqshamnews.kz
Áleýmettik jelilerde "Nur Joly – Qorǵas" ótkizý pýnktinde kezek eki aptaǵa bos emes ekeni, bos oryndarynyń tapshylyǵy sybaılas jemqorlyqty týyndatatyny aıtylyp, adal tasymaldaýshylar narazylyq bildirip jatqany jaıly aqparat taraǵan.
"Osyǵan baılanysty, SarGoRuqsat servısiniń jumys rejımin buzýdyń týyndaǵan jaǵdaılaryn joıý úshin tikeleı keden beketine Bas kólik prokýratýrasy men QR QM Memlekettik kirister komıtetiniń qyzmetkerleri top quramynda bardy. Jumys tobymen júıede jasandy bos oryn tapshylyǵyn týdyratyn "kómekshiler" dep atalatyn tulǵalardyń jáne júıege robotbaǵdarlamalarynyń aralasýyn joqqa shyǵarylýda. Bul baǵdarlamalar qorǵanysty aınalyp ótip, mıllısekýndtarda kezek alady. Osyǵan baılanysty kezek alý prosesin ózgertý týraly sheshim qabyldandy" delingen kirister komıtetiniń aqparatynda.
Resmı aqparatqa saı, endi, kezekti alý jáne ótkizý pýnktinen ótý ýaqytyn/kúnin tańdaý múmkindigi paıdalanýshyǵa formattyq-logıkalyq baqylaýdan ótkennen keıin beriledi. Mundaı dáıektilik kezektegi oryndardy alypsatar tulǵalardy alyp tastaýǵa, al adal tasymaldaýshylarǵa qajetsiz asyǵýsyz qoıylatyn talaptarǵa sáıkestigin tekserýden ótip, sodan keıin ǵana ózine yńǵaıly júrý ýaqytyn tańdaýǵa múmkindik beredi.
“Budan bólek, Memlekettik kirister komıteti 28 qazannan bastap QHR shekarasynda sheteldik ruqsat blankilerin berý olardyń bolmaýy jáne QR Kólik mınıstrliginiń jaǵdaıdy sheshýi sebebinen ýaqytsha toqtatylatynyn habarlaıdy” dedi komıtettegiler.