15 aqpanda ózbek-qazaq shekarasyndaǵy "Syrdarıa" jáne "S.Najımov" keden beketteri arqyly azamattardy, kólikterdi jáne jolaýshylar kóligin ótkizý ýaqytsha toqtatyldy.
Ózbekstan keden komıtetiniń málimetinshe, Qazaqstan "Atameken" ("Syrdarıa") jáne "Qazyǵurt" ("S.Najımov") ótkizý beketterinde qaıta jóndeý jumysyn júrgizbek, dep habarlaıdy Almaty-akshamy.kz.
Jóndeý jumystary aıaqtalǵanǵa deıin atalǵan beketter arqyly 3,5 tonnadan aspaıtyn júk kólikteri ǵana óte alady.
Azamattarǵa balama retinde táýlik boıy jumys istep turǵan "Gıshtkýprık" jáne "Iallama", sonymen birge kúndiz isteıtin "Malık" jáne "Ok Oltın" ótkizý beketteri arqyly ótý usynylǵan.
Qazaqstannyń resmı oryndary aqparatqa qatysty túsinikteme bermedi. Byltyr qazanda qazaq-ózbek shekarasyndaǵy "Qaplanbek" ("Naýaı") beketteri 19 aıǵa jabylatyny habarlanǵan. Ol kezde buǵan beketterdi jańartý jáne jabdyqtaý jumystary sebep bolǵany aıtylǵan.