Prezıdent orta ǵasyrda álem baspalarynda jaryq kórgen Qazaq handyǵy kartasymen tanysty
Memleket basshysy Zamanaýı zertteýler ınstıtýtynyń dırektory Muhıt-Ardager Sydyqnazarovty qabyldady, dep habarlaıdy Almaty-akshamy.kz Aqordaǵa silteme jasap.
Kezdesýde L.Gýmılev atyndaǵy Eýrazıa ulttyq ýnıversıteti zamanaýı zertteýler ınstıtýtynyń dırektory, saıası ǵylymdar doktory, profesor Muhıt-Ardager Sydyqnazarov Prezıdentke óziniń «Qazaqstannyń úzilissiz memlekettiligi tarıh tolqynynda. XVİ-XIX ǵasyrlardaǵy eýropalyq jáne amerıkalyq kartalardaǵy Qazaq memleketi» atty jańa eńbegi týraly baıandady.
Onyń aıtýynsha, 1465 jyly Qazaq handyǵy qurylǵan kezden beri memleket ataýy Batys elderiniń ozyq kartografıalyq baspalarynan shyqqan atlas kartalarynan qalys qalyp kórmegen.
Olardyń arasynda Amerıka Qurama Shtattary, Belgıa, Anglıa, Fransıa, Italıa, Germanıa jáne basqa da memleketterde basylǵan kartalar bar.
Atalǵan eńbekte memlekettigimiz anyq kórsetilgen jáne orta ǵasyrlardan, ıaǵnı 1562 jyldan bastap 1879 jylǵa deıingi kezeń qamtylǵan.
Barlyǵy – 130 karta.
Avtor kitaptyń Belgıa baspasynan shyǵýyn belgıalyq, nıderlandyq kartograftar Qazaq memlekettiligin alǵashqylardyń biri bolyp kartaǵa túsirýmen baılanystyrady.
Qasym-Jomart Toqaev Muhıt-Ardager Sydyqnazarovtyń eńbegine joǵary baǵa berip, elimizdiń barlyq óńirinde jáne halyqaralyq is-sharalarda arnaıy kórmeler uıymdastyrý qajet ekenin aıtty.