Táýelsizdiktiń 30 jyldyǵyna taptyrmas tartý
Búgin qazaq antropologıasynyń negizin qalaýshy, akademık Orazaq Smaǵulovtyń eńbegi jaryq kórdi, dep habarlaıdy Almaty-akshamy.kz 24.kz-ke silteme jasap
Qazaq halqynyń 50 ǵasyrlyq tarıhy týraly kitaptyń tusaýy Túrki akademıasynyń jańadan salynǵan ǵımaratynda kesildi. Qos birdeı qýanyshqa memlekettik hatshy, mádenıet jáne sport mınıstri, zıaly qaýym ókilderi men shet elderdiń elshileri kýá boldy. «Qazaq halqy men onyń ata-tegine oraı antropologıalyq ocherkter» dep atalatyn eńbek qazaq,orys, túrik, aǵylshyn tilderinde jarıalanyp otyr. İrgeli zertteýge alǵy sózdi Prezıdent Qasym-Jomart Toqaev jazǵan.
«Ǵalym burynǵy eńbekterinde halqymyzdyń 4 myń jyldyq tarıhyn túgendese, búgingi týyndysynda jurtymyzdyń 5 myń jyldyq násildik teginiń ulan-ǵaıyr ata-jurtymyzben tyǵyz sabaqtastyǵy baryn ǵylymı túrde dáleldep, ǵylymı týyndyǵa aınaldyrdy. İrgeli zertteýge qatysty QR Prezıdenti Qasym-Jomart Toqaevtyń alǵysózimen qazaq, orys, túrik tilderinde jarıalanyp otyr. Orazaq aǵa, amanshylyq bolsa osylaı birge jumys istep, sizdiń ǵasyrlyq toıyńyzda sizdiń taǵy da osyndaı shyǵarmashylyq tabystarǵa jete berýge tilektespiz», - dedi QR Memlekettik hatshysy Qyrymbek Kósherbaev.
Sondaı-aq, ǵalymnyń bul eńbegi 70-shy jyldary keńestik senzýradan ótpeı, órtelgen edi. Al Orazaq Smaǵulovtyń ózi qýǵyn-súrginge ushyraǵan.
«Myna úshinshi myń jyldyqtyń basynda otyrmyz ǵoı. Eger úshinshi myńjyldyqtyń aıaǵyndaǵy urpaqtar búgingi qazaqtardyń myń jyl ótse de, óziniń atategi ekenin erkin túsinip, dáleldep, sony bizdiń zertteýimizge qarap, naqtylanady. Budan artyq endi ǵylymda zerteýler joqtyń qasy», - dedi qazaq antropologıasynyń negizin salýshy Orazaq Smaǵulov.