Ózbekstan astanasynda kórkem gımnastıkadan álem kýbogi márege jaqyndady. Jarystyń sońǵy kúninde Qazaqstan komandasy toptyq jattyǵýda taǵy júldege ilikti, dep habarlaıdy Almaty-akshamy.kz.
QR Ulttyq Olımpıada komıtetinen málim etkendeı, komandamyz doptar/lenta jattyǵýynda kúmis medal jáne sheńbermen jattyǵýda qola medal jeńip aldy.
Ulttyq qurama sapynda Saǵına Muratqyzy, Aısulý Murzaǵalıeva, Renata Joldınova, Aıdana Shaıahmetova, Arýjan Qasenova, Ásel Shúkirbaı óner kórsetti.
Eske salaıyq, keshe atalǵan sportshy qyzdar toptyq jattyǵýda qola medal enshilegen bolatyn.