Budan buryn habarlaǵanymyzdaı, Lenın shahtasynda bes kenshi qaza tapty.
Qaraǵandy oblysynyń ákimi Jeńis Qasymbek shahtada qaza tapqan kenshilerdiń otbasyna qandaı materıaldyq kómek beriletinin aıtty, dep habarlaıdy Almaty-akshamy.kz
Búgin «Arselor Mıttal Temirtaý»kompanıasyna qarasty Lenın shahtasynda apattyq jaǵdaı boldy. Metan jarylyp, arty órtke ulasqan. Bes kenshi qaza tapty.
«Ákimdik tarapynan barlyq qajetti kómek kórsetiledi. Budan bólek, ujymdyq kelisimshartqa sáıkes, qaıtys bolǵan kenshilerdiń otbasysyna jalaqynyń 10 jyldyq mólsherinde materıaldyq kómek, oǵan qosa, kredıtti tóleý men balalardy oqytý shyǵyndary óteledi», - dedi Qasymbek.
Aımaq basshysynyń aıtýynsha, bıyl ujymdyq kelisimshartqa zardap shekken otbasylarǵa turǵyn úı satyp alý máselesi de engizilgen.
«Jalpy, materıaldyq jáne qarjylaı kómek tolyǵymen kórsetiledi», - dep túıindedi Qasymbek.