Qazaqstanda kóńil kóterýge paıdalanylatyn gazǵa tyıym salynady.
İshki ister mınıstrligi azot oksıdine tolǵan sharlardy satý úshin qylmysty jaýapkershilikti engizýdi josparlap otyrǵanyn málimdedi, dep habarlaıdy Almaty-akshamy.kz.
Tıisti bólim osydan úsh jyl buryn bul zat kúshti áser etetin zattardyń tizimine engizilgenin, biraq bul gazdyń taraýyna kedergi emes ekenin basa aıtty. Bul týraly KTK telearnasynda aıtyldy.
Sondyqtan İshki ister mınıstrligi endi shar ishindegi gazdyń aınalymyn zańnamalyq deńgeıde baqylaýǵa almaq.
«Zańnamaǵa tıisti ózgertýler engizilip jatyr. Bizde kúshti áser etetin zattar úshin jaýapkershilik qarastyrylmaǵan. Sondyqtan búginde májilis kúshti áser etetin zattardyń zańsyz aınalymy úshin qylmystyq jaýapkershilikti qarastyratyn zań jobasyn ázirlep jatyr. Biraq ol tizimde bar. Meniń oıymsha. Jaqyn arada bul úshin qylmystyq jaýapkershilik týyndaıdy, aınalymdar bolady», - dep túsindirdi QR İİM departamenti bastyǵynyń orynbasary Baqytjan Ámirhanov.
Qazaqstanda birneshe jyldan beri azot oksıdi ("kóńil-kúı gazy" nemese "sharık-kýmarık" dep atalady) ınternette jáne keıbir túngi klýbtarda "múldem zıansyz" ónim retinde shar túrinde ashyq satylyp keledi.
Dárigerlerdiń aıtýynsha, azot oksıdin taza kúıinde tutyný óte qaýipti jáne adam densaýlyǵyna aýyr zıan keltiredi.