Ispanıanyń La Pálma aralyndaǵy Kýmbre-Veha janartaýy ekinshi ret atqylady, dep habarlaıdy almaty-akshamy.kz «Habar 24»-ke silteme jasap
Taýdan aqqan shoq pen aspanǵa kóterilgen kúl 200-ge tarta úıdi, joldar men fermalardy qıratqan. Qutqarýshylar apatqa jaqyn mańda ornalasqan eldi mekenniń 6 myń turǵynyn evakýasıalady.
Mamandar qaýip áli de joǵary deıdi. Aqqan lavanyń jyldamdyǵy saǵatyna 300 metrge deıin jetedi.
Jerasty dúmpýleri de tolastamaı tur. Jer silkinisi Afrıkanyń soltústik-batys araldarynda da sezilgen.
Aıta keteıik, Kýmbre-Veha janartaýy ótken aptanyń sońynda atqylaı bastaǵan.