«Ulttyq Ulan» án-bı ansambliniń konserti ótti.
Qazaqstan Respýblıkasy İshki ister mınıstrligi men Ulttyq ulannyń Aqparattyq-nasıhattyq toby elimizdiń birneshe óńiri boıynsha respýblıkalyq týr ótkizýde, dep habarlaıdy Almaty-akshamy.kz
2 qazanǵa deıin jalǵasatyn bul sapardyń negizgi maqsaty – áskerı qyzmetshiler men óńir azamattaryna Qazaqstan Respýblıkasy Prezıdentiniń «Ádiletti memleket. Birtutas ult. Berekeli qoǵam» Joldaýyn jáne elimizdiń táýelsizdik jyldaryndaǵy jetistikterin nasıhattaý. Áskerı qyzmetshiler men azamattyq jastardy qazaqstandyq patrıotızm jáne konstıtýsıalyq boryshqa adaldyq rýhynda tárbıeleý, ishki ister organdary men Ulttyq ulannyń ımıjin nyǵaıtý, azamattardyń ishki ister organdary qyzmetkerleri men áskerı qyzmetshilerge, olar oryndaıtyn qyzmettik-jaýyngerlik mindetterge degen oń kózqarasyn qalyptastyrýǵa baǵyttalǵan is-sharalardy ótkizý.
Almaty qalasynda Halyq qaharmany, polkovnık Qaırat Úmbetov basshylyq jasaıtyn aqparattyq-nasıhat tobynyń «Qazaqstan Respýblıkasyna qyzmet etemin!» urany aıasyndaǵy is-sharasy bolyp ótti. Endi Taldyqorǵan, Qonaev, Taraz qalalarynda ótkizý josparlanǵan.
«Alataý» dástúrli óner teatrynda ótken «Ulttyq ulan» án-bı ansambliniń gala-konsertin kúshtik qurylymdar, komıtetter, departamentterdiń qyzmetkerleri, ardagerler, BAQ ókilderi, áskerı qyzmetshiler men olardyń otbasy músheleri, sondaı-aq qala turǵyndary men qonaqtary tamashalady.
Qazaqstan Respýblıkasy İshki ister mınıstrliginiń bastamasymen Ulttyq ulannyń aqparattyq-nasıhattyq toby men án-bı ansambli shara barysynda Uly Otan soǵysynyń ardagerleri jáne tyl eńbekkerlerimen kezdesip, 28 gvardıashyl-panfılovshylar eskrtkishine gúl shoqtaryn qoıdy.
Negizi, áskerge shaqyrylýǵa deıingi jastarmen áskerı qyzmettiń bedelin jáne Otan qorǵaýshynyń ımıjin kóterý týraly áńgimelesýler josparlanǵan. Sonymen qatar, óńir turǵyndaryna arnap Qazaqstan Respýblıkasy Ulttyq ulanynyń án-bı ansambli eldik pen halyqtar dostyǵy taqyrybynda, jastardy óz Otanyn súıýge, áskerı ómirdiń ıgi dástúrleri men urpaqtar sabaqtastyǵyn dáripteýge shaqyratyn konserttik baǵdarlamalaryn usynady. Konserttik baǵdarlamada Ǵaını Jumasheva, Nursultan Qarabalıev, Erasyl Bozaev, Sáken Álimhanov, Denıs Iakovlev, Dıhan Iláshev, Nursultan Eralın, Aıgerim Moldıbaeva, Baýyrjan Baqytbekov syndy eńbek sińirgen óner qaıratkerleri men halyqaralyq baıqaýlardyń laýreattary óner kórsetedi.
Sharaǵa kúshtik qurylymdar, komıtetter, departamentterdiń qyzmetkerleri, ardagerler, BAQ ókilderi, áskerı qyzmetshiler men olardyń otbasy músheleri, sondaı-aq qala turǵyndary men qonaqtary shaqyrylǵan.