Qaldaıaqov kóshesindegi 103 úıge qarama-qarsy jatqan «Kishi Almaty» ózenine jaryq bórenesi qulap qalǵan. Tok kelip turǵan bórene ótken-ketkenderge zıanyn tıgizýi bek múmkin. Turǵyndar adamdar jıi qatynaıtyn kóshe boıyndaǵy máseleniń tez arada sheshilýin suraıdy.
– Bóreneniń qalaı qulap qalǵanynan beıhabarmyz. Tańerteń osyndaı jaǵdaı oryn alǵan eken. Alaıda, jaýapty mekemelerden eshbir adam kelip, ahýaldy qaraǵan joq. Toktyń sýǵa qulaǵanynan qorqyp, kósheni aınalyp ótip júrmiz. Bul qalanyń ortalyǵyna jaqyn bolǵandyqtan, kóp adam júredi. Bireýi bolamasa, bireýin tok urady ma dep qorqamyz. Sonymen qatar, osy bórenege jaqyn jerde shirip, qulaýdyń az-aq aldynda turǵan aǵash bar. Ákimdikten osy eki máseleni sheship berýin suraımyz, – deıdi Ásem esimdi turǵyn.
Ákimdikke másele boıynsha hat joldandy. Atqarýshy mekeme máseleniń sheshilip jatqanyn aıtyp, jaqyn arada bóreneniń qalpyna keletinin jetkizdi.