Shymkentte ıadrolyq medısına salasy damyp keledi.
Memleket basshysy medısına salasynda jekemenshik áriptestikti damytýdy tapsyrǵan bolatyn. Qaterli isikti erte satysynda anyqtaıtyn pozıtrondy-emıssıalyq tomografıaly ortalyqtyń arqasynda endi syrqatqa shaldyqqan 5 myń adamǵa der kezinde kómek berip, ólim-jitimdi edáýir azaıtýǵa múmkindik týdy.
Resmı derek boıynsha, Shymkentte jylyna bir myń eki júz adam onkologıalyq aýrýǵa shaldyǵady eken.
«Kelgenime 15 kún boldy. Sodan beri em qabyldap jatyrmyn. Ózime unap jatyr. Nátıjesi shyǵyp jatyr. Analızder tapsyrdyq. Bári jaqsy. Qalamyzda emdelýge múmkindik bar. Bolmasa Astana, Almatyǵa uzaqqa barýǵa týra keletin edi», - deıdi turǵyn Bolat Turdymuratov.
Memlekettik-jekemenshik áriptestik - óz tıimdiligin dáleldep kele jatqan tásil. Shymkentte osy baǵytta 6 joba iske asyrylýda. Búginge deıin megapolıste kásipkerlerdiń kómegimen "Qaıtpas" shaǵynaýdanynda 500 naýqasty qabyldaıtyn emhana, búırek qyzmeti álsiz naýqastarǵa arnalǵan ortalyq jáne ambýlatorlyq emdeý orny salyndy. Bıyl ınvestor qarjysyna 800 oryndyq kópbeıindi aýrýhana qurylysy bastalady.