2021 jyly Almaty qalasynda qaterli dertpen aýyratyn 4482 naýqas anyqtaldy.
Almatyda qaterli isik aýrýynan bolatyn ólim-jitim aıtarlyqtaı tómendegen, dep habarlaıdy Almaty-akshamy.kz
Almaty onkologıalyq ortalyǵy bas dárigeriniń orynbasary Janna Qojaevanyń aıtýynsha, 34,4% bastapqy kezeńde anyqtalǵan. Bul, árıne, aýrýdy jeńýge jáne naýqasty emdeýge múmkindik beredi.
«Emdeýdiń eń tıimdi ádisterin qoldaný bolashaqta barynsha qolaıly nátıjemen em júrgizýge múmkindik beredi»,- deıdi maman.
Aıta ketý kerek, hımıoterapıa qaterli isik aýrýyn emdeýde mańyzdy oryn alady.
Qazirgi ýaqytta ortalyqtyń arsenalynda hımıalyq preparattardyń 40-tan astam ataýy, 30-dan astam targettik jáne gormondyq preparattar bar.
Tek ótken jyldyń ózinde ortalyqta 14696 pasıent hımıoterapıalyq emdeýden ótti.
TrueBeam STX joǵary energetıkalyq jelilik údetkishtegi radıologıalyq bólimshede ótken kezeńde onkologıalyq naýqastarǵa 32000-nan astam sáýlelik terapıa seansy ótkizildi.
«Osy apparattyń kómegimen biz onkologıanyń kez kelgen túri bar adamdar úshin anaǵurlym dál qarqyndy jáne kólemdi sáýlelik terapıa júrgizemiz. Bul qondyrǵy adamǵa áser etpesten zarádtalǵan bólshekterdiń shoǵyryn isiktiń ózine tikeleı baǵyttaýǵa múmkindik beredi», - dep túsindirdi AOO bóliminiń meńgerýshisi Evgenıı Ishkının.
Onkologtar qazaqstandyqtarǵa qaterli isikti emdeýge bolatynyn eskertedi! Birinshi kezeńde anyqtalǵan aýrý 90% emdeýge úlken múmkindik beredi.
«Ókinishke oraı, halyq elimizde júrgiziletin tegin skrınıngten ótýdi jıi elemeıdi. Sondyqtan biz taǵy da eskertemiz jáne profılaktıkalyq tekserýlerden ýaqtyly ótýge shaqyramyz», - dep atap ótti bas dárigerdiń orynbasary Álıa Tóresheva.