Jalpyǵa birdeı deklarasıalaý sheńberinde deklarasıalardy tapsyrý merzimi aıaqtalýǵa jaqyn, dep habarlaıdy Memlekettik kirister komıtetiniń baspasóz qyzmeti.
«Men 250.00 nysandaǵy deklarasıaǵa (jeke tulǵanyń aktıvteri men mindettemeleri týraly deklarasıa) aqparatty qate engizdim, derekterdi qalaı qaıtarýǵa nemese túzetýge bolady?» Osy saýal jeke tulǵalardan jıi túsetin bolǵan. Bul rette, Komıtet jaýaby kelesideı:
«Deklarasıany 250.00 eseptilik nysanyn «Salyq tóleýshiniń kabıneti» arqyly («Salyq ótinishteri» bólimi, budan ári «Salyq eseptiligin keri qaıtaryp alý týraly ótinish»); Egov portaly («Keden jáne salyqtar» bólimi, «Salyq salý» bólimshesi, «Deklarasıany keri qaıtaryp alý» qyzmeti) arqyly keri qaıtarýǵa nemese túzetýge bolady.
Deklarasıany tolyǵymen keri qaıtarý kelesi jaǵdaılarda júzege asyrylady:
- merzimi ıaǵnı deklarasıa tapsyrylǵan esepti jyly durys kórsetilmegen bolsa;
- deklarasıany tapsyrý boıynsha is júzinde eshqandaı mindetteme joq bolsa.
Eger Siz deklarasıada qate jiberip, salyq organynyń kodyn, rezıdenttik mártebesin nemese salyq eseptiliginiń túrin durys emes kórsetken bolsańyz, onda túzetý ádisi boıynsha deklarasıa keri qaıtaryp alynady (deklarasıa júıede qalady jáne ony tabystaý kúni ózgermeıdi).
Basqa jaǵdaılarda, ıaǵnı sandarda qate jibergen málimetterdi (kirister, qolma-qol aqsha, jyljymaly/jyljymaıtyn múlik jáne Qazaqstan Respýblıkasynan tysqary jerlerdegi banktik shottardaǵy aqsha jáne t.b. týraly) tolyq kórsetpegen bolsańyz, aıyrmashylyqtyń somasyn nemese kórsetilmegen aqparatty «qosymsha» deklarasıany tabystaý arqyly túzete alasyz».