Qatarda ótip jatqan fýtboldan álem chempıonatynyń fınalynda 50 myń argentınalyq, 6 myń fransıalyq jankúıer keledi dep kútilýde, dep habarlaıdy Almaty-akshamy.kz Inform.kz-ke silteme jasap.
Fınalda 18 jeltoqsanda Argentına jáne Fransıa quramalary kezdesedi.
Kezdesý Lýsaıl qalasyndaǵy 88 966 jankúıerge arnalǵan «Lýsaıl Aıkonık» stadıonynda ótedi.
Dúbirli doda barysynda óz quramasynyń árbir oıynyna argentınalyq jankúıerler kóp jınaldy. Osyndaı qoldaýdy álem chempıonaty fınalynda da jalǵastyrmaq.
Eki qurama buǵan deıin eki-ekiden álem chempıony ataǵyn jeńip alǵan. Argentınalyq fýtbolshylar 1978, 1986 jyldarda jeńimpaz tuǵyryna kóterilse, Fransıa 1998, 2018 jyldarda bas júldege ıe boldy.