Aǵylshyndar mundaı jetistikke jalǵyz ret - sonaý 1966 jyly qol jetkizdi
Qatarda ótip jatqan fýtboldan 2022 jylǵy álem chempıonaty 1/8 fınalynyń tórtinshi kezdesýinde Anglıa men Senegal quramalary oınady, dep habarlaıdy Almaty-akshamy.kz QazAqparatqa silteme jasap.
Kezdesý barysynda quramalar tezirek gol soǵýǵa tyrysqan edi. Dese de, bir-biriniń qaqpasyna jasalǵan shabýyldar aıaqsyz qalyp jatty.
Osyndaı sátterdiń birinde anglıalyq Djordan Henderson 38-mınýtta soqqan gol óz quramasyn alǵa shyǵardy.
Oıynnyń 48-mınýtynda Garrı Keın mergendik tanytyp, Tumandy Albıon eli quramasynyń basymdyǵyn arttyrdy.
Al 57-mınýtta Býkaıo Saka qorytyndy esepti belgiledi.
Osylaısha Anglıa qarsylasynan 3:0 esebimen basym tústi.
Anglıa quramasy álemdik mýndıalda jeńimpaz bolýdy aldyna maqsat etip qoıǵan jaıy bar.
Aǵylshyndar mundaı jetistikke jalǵyz ret - sonaý 1966 jyly qol jetkizdi. Chempıon atanýǵa quramanyń barlyq múmkindigi bar.
Eske salsaq, 4 jeltoqsanda taǵy bir kezdesýde Fransıa Polshany tize búktirip, shırek fınalǵa shyqty.
Endi aǵylshyn fýtbolshylary jarystyń atalǵan satysynda 10 jeltoqsanda Fransıamen kezdesedi.
Sondaı-aq, jarystyń atalǵan satysyndaǵy taǵy bir kezdesýde 9 jeltoqsanda Nıderland pen Fransıa quramalary kezdesedi.
Al 5 jeltoqsanda 1/8 fınalda Brazılıa men Ońtústik Koreıa, Japonıa men Horvatıa quramalary synǵa túsedi.
6 jeltoqsanda Portýgalıa men Shveısarıa, Marokko men Ispanıa baq synaıdy.