Keshegi Jambyl oblysyndaǵy qasiret, eldegi pandemıa, onyń ústine, bıyl "Álippeni" qaıtaryp jatyrmyz, el ishinde qym-qıǵash osyndaı oqıǵalar ótýde. Sondyqtan bul Joldaý der kezinde joldandy dep sanaımyn. Sebebi halyqtyń sanasyndaǵy kóptegen suraqtarǵa ashyq jaýap bere aldy. Prezıdenttiń búgingi Joldaýyn halyq kútti. Joldaýdy tolyqtaı qoldaımyn. Halyqtyń taǵdyryna beıjaı qaraı almaıtyndyqtan, Prezıdenttiń ár isin, Joldaýlaryn jiti baqylap otyramyn. Eń bastysy, Memleket basshysynyń «men árbir aıtqan sózime jaýap beremin jáne ol oryndalatyn bolady» dep ashyq aıtqany unady ári kóńilim sál de bolsa kóterilip qaldy.
Halyqtyń kókeıindegi túrli suraqqa ár mınıstrlik sala-sala boıynsha jaýap berý kerek. Óz ana tilimizde, keshegi Abaı men Muhtardyń tilinde túsindirý kerek. Búgingi Joldaýdy áli de astyn syzyp turyp oqımyz, taldaımyz. Eger suraq týyndap jatsa, áleýmettik jelide jazamyz.