Ortalyq saılaý komısıasy Qasym-Jomart Toqaevtyń prezıdenttikke kandıdatýrasyn talaptarǵa saı dep sheshti. Bul týraly QR OSK hatshysy Muhtar Erman komısıanyń otyrysynda málim etti, dep habarlaıdy Almaty-akshamy.kz Inform.kz-ke silteme jasap.
Sóz basynda komısıa hatshysy Qasym-Jomart Toaevtyń kandıdatýrasyn QR prezıdenttigine birneshe saıası partıa men qoǵamdyq uıym usynǵanyn eske salyp, komısıa qaraýyna atalǵan úmitkerdiń atynan qandaı qujattar tapsyrylǵanyn málim etti.
«QR prezıdenttigine kandıdat Qasym-Jomart Kemeluly Toqaevtyń QR Konstıtýsıasynda jáne QR Saılaý týraly Konstıtýsıalyq zańynda oǵan qoıylatyn talaptarǵa sáıkestigin anyqtaý týraly hattamaǵa qol qoıyldy. Osylaısha Ortalyq saılaý komısıasy respýblıka prezıdenttigine kandıdat Qasym Jomart Toqaevtyń Konstıtýsıada jáne QR Saılaý týraly Konstıtýsıalyq zańda oǵan qoıylatyn talaptarǵa sáıkes ekendigin anyqtady», - dedi Muhtar Erman.
Aıta keteıik, búgin tańerteń Ortalyq saılaý komısıasynda «Amanat» kásipodaqtar dostastyǵynan prezıdent saılaýyna úmitker Meıram Qajykenniń memlekettik tildi meńgerý deńgeıin anyqtaý boıynsha emtıhan bastaldy.