Memleket basshysy Qasym-Jomart Toqaev Túrkıanyń ońtústik-shyǵysynda kóptegen adam shyǵynyna ákep soqtyrǵan jer silkinisine baılanysty osy eldiń Prezıdenti Rejep Taııp Erdoǵanǵa kóńil aıtý jedelhatyn joldady, dep habarlaıdy Almaty-akshamy.kz. Aqordaǵa silteme jasap.
«Túrkıa Respýblıkasynda bolǵan asa kúshti jer silkinisi saldarynan kóptegen adamnyń qaza tapqany týraly sýyt habardy zor kúızelispen qabyldadym. Osyndaı qıyn sátte jaqyndarynan aıyrylǵan otbasylarǵa, sondaı-aq búkil túrik aǵaıyndarymyzdyń aýyr qaıǵylaryna ortaqtasyp, Qazaqstan halqynyń jáne jeke ózimniń atymnan kóńil aıtamyn», – dep jazylǵan jedelhatta.
Sonymen qatar Prezıdent Qazaqstannyń Túrkıaǵa tıisti kómek kórsetýge daıyn ekenin jetkizdi.