2024 jyly 4 sáýirde Memleket basshysy Qasym-Jomart Toqaev jol apatynan ózbekstandyq segiz azamattyń qaza tabýyna baılanysty Ózbekstan Prezıdenti Shavkat Mırzıóevke kóńil aıtty, dep habarlaıdy almaty-akshamy.kz.
Memleket basshysy Qasym-Jomart Toqaev Shymkent – Samara tas jolynda bolǵan jol apatynan ózbekstandyq segiz azamattyń qaza tabýyna baılanysty Prezıdent Shavkat Mırzıóevke kóńil aıtty, delingen Aqordanyń baspasóz qyzmetiniń habarlamasynda.
Qazaqstan Prezıdenti qara jamylǵan otbasylardyń qaıǵysyna ortaqtasyp, jyly lebiz bildirdi.
Aıta ketsek, 3 sáýirde Samara-SHymkent avtojolynda Marjanbulaq aýylynyń mańynda Volvo júk kóligi men Ózbekstan Respýblıkasy azamaty tizgindegen Toyota-Alhpard mınıveniniń qatysýymen jol apaty boldy. Apat saldarynan mınıven júrgizýshisi men 7 jolaýshysy oqıǵa ornynda qaza tapty. Marqumdardyń barlyǵy Ózbekstan Respýblıkasynyń azamattary ekeni naqtylanady. Aldyn ala málimetter boıynsha, qozǵalys kezinde júk kóliginiń dóńgelegi jarylyp, saldarynan júrgizýshi kólik róline ıe bola almaı, qarsy baǵyttaǵy joldyń betine shyǵyp ketken.