Memleket basshysy Qasym-Jomart Toqaev Rojdestvo merekesimen quttyqtady.
Prezıdent Toqaev Rojdestvo merekesine oraı quttyqtaý joldady, dep habarlaıdy Almaty-akshamy.kz Aqordanyń baspasóz qyzmetine silteme jasap.
Qymbatty otandastar!
Barsha pravoslav hrıstıandaryn Rojdestvo merekesimen shyn júrekten quttyqtaımyn!
Bul meıram úmit pen qýanysh syılaıdy, jaqsylyqqa jáne ádildikke shaqyrady.
Basqa dástúrli dinder sekildi hrıstıan dini de meıirimdilik, janashyrlyq, súıispenshilik sıaqty qasterli qundylyqtardy arqaý etken.
Bizdiń qoǵamymyzda túrli dindi ustanatyn, dúnıetanymy ártúrli jandarǵa adamgershilik jolyn nusqaıtyn joǵary gýmanısik ıdealdar berik ornyqqan.
Pravoslav dini qoǵamymyzdyń ajyramas bóligi retinde jalpyulttyq birligimizdi nyǵaıtýǵa, mádenıetter men dástúrler áralýandyǵyn saqtaýǵa yqpal etip keledi.
Halyqtyń yntymaq-birligi jáne tilektestigi turaqtylyǵymyzdy nyǵaıtyp, elimizdiń ósip-órkendeýine jáne jan-jaqty jańǵyrý jolymen alǵa nyq qadam basýyna kepil bola beretinine kámil senemin.
Barshańyzǵa zor densaýlyq, tolaǵaı tabys tileımin!
Ár shańyraq baq-berekege kenelsin!