Memleket basshysy Dúnıejúzilik densaýlyq saqtaý assambleıasynyń arnaýly sesıasynda sóz sóıleıdi
Qazaqstan Prezıdenti resmı saparmen Shveısarıa konfederasıasyna keldi. Bul týraly Memleket basshysynyń baspasóz hatshysy Berik Ýálı málim etti, dep habarlaıdy Almaty-akshamy.kz.
«Jenevada Qasym-Jomart Toqaev Shveısarıanyń Federaldyq Prezıdenti Gı Parmelanmen kelissóz júrgizedi. Onyń qorytyndysy boıynsha birqatar úkimetaralyq jáne komersıalyq kelisimge qol qoıylmaq. Sapar baǵdarlamasy boıynsha Memleket basshysy Dúnıejúzilik densaýlyq saqtaý assambleıasynyń arnaýly sesıasynda sóz sóıleıdi, BUU-nyń jáne basqa da birqatar halyqaralyq uıymnyń basshylyǵymen kelissóz júrgizedi, ınvestısıalyq dóńgelek ústelge qatysady jáne eýropalyq bıznes kapıtandarymen kezdesedi dep josparlanyp otyr», - dep jazdy B.Ýálı Facebook-tegi paraqshasyna.