Qazaqstan aýmaǵynda Reseılik ınvestısıanyń qatysýymen iske asyrylatyn jobalar jeke baqylaýymda bolady. Qazaqstan basshysy Qasym-Jomart Toqaev reseılik áriptesi Vladımır Pýtınmen ótken kelissózderden keıingi birlesken málimdemesinde osylaı dedi, dep habarlaıdy Almaty-akshamy.kz QazAqparatqa silteme jasap.
«Biz óndiristik kooperasıany keńeıtý keleshegin egjeı-tegjeıli talqyladyq. Bul baǵytta bizdiń elder 13 iri jobany aıaqtady. Jalpy somasy 2,5 mlrd dollardan asatyn 8 joba iske asyrý satysynda. Taǵy 11 joba pysyqtalýda. Jalpy ınvestısıa kólemi 1,5 mlrd dollardy quraıdy.
Kelissózder barysynda qurmetti Vladımır Vladımırovıchke osy jobalardyń barlyǵy meniń jeke baqylaýymda bolatynyn jáne olar jańa jumys oryndaryn qurýǵa, elderimizdiń ónerkásiptik, tehnologıalyq áleýetin nyǵaıtýǵa baǵyttalatynyn jetkizdim», - dedi Qasym-Jomart Toqaev.