Reseılik kompanıalardyń Qazaqstanǵa salǵan ınvestısıa kólemi 17 mlrd dollardan asty. Bul týraly Qazaqstan Prezıdenti reseılik áriptesi Vladımır Pýtınmen ótken kezdesý qorytyndysy boıynsha buqaralyq aqparat quraldaryna jasaǵan birlesken málimdemesinde aıtty, dep habarlaıdy almaty-akshamy.kz QazAqparatqa silteme jasap.
«Karantın shekteýlerine qaramastan, byltyr ózara saýda-sattyqta eń joǵary nátıjelerge qol jetkizildi. Saýda kólemi 21 mlrd dollardan asty. Reseı kompanıalary Qazaqstan ekonomıkasyndaǵy jetekshi ınvestorlardyń bestigine kiredi. Olardyń jalpy salymy 17 mlrd dollardan asty. Reseı Qazaqstandaǵy sheteldik kapıtaly bar kompanıalardyń sany boıynsha kóshbasshy bolyp sanalady.
Árbir úshinshi osyndaı kompanıa reseılik kompanıalardyń qatysýymen qurylǵan. Olardyń jalpy ınvestısıalyq protfeli búkil salalarda kórinis tapqan. Biz óndiristik kooperasıany keńeıtýdiń keleshegin talqyladyq. Bul baǵytta bizdiń elder 13 iri jobany aıaqtady», - dedi Prezıdent.