Memleket basshysy Qasym-Jomart Toqaev Reseı Federasıasynyń Prezıdenti Vladımır Pýtınmen kelissóz júrgizdi, dep habarlaıdy Almaty-akshamy.kz Aqordaǵa silteme jasap.
Máskeýge jumys saparymen barǵan Qazaqstan Prezıdenti Qasym-Jomart Toqaev Reseı Prezıdenti Vladımır Pýtınmen kelissóz júrgizdi.
Memleketter basshylary ekijaqty qatynastardyń perspektıvalaryn jáne aımaqtyq deńgeıdegi yqpaldastyqtyń ózekti máselelerin talqylady.
Qazaqstan Prezıdenti Máskeýge saparmen kelýge shaqyrǵany jáne dástúrli túrde qonaqjaılyq kórsetkeni úshin Reseı kóshbasshysyna rızashylyǵyn bildirdi.
– Vladımır Vladımırovıch, eń aldymen, Máskeýge saparmen kelýge shaqyrǵanyńyz úshin alǵys aıtamyn. Shyn máninde, bul Jańa jyldan keıingi, ókinishke qaraı, elimizde bolǵan qańtardaǵy qaıǵyly oqıǵalardan keıingi alǵashqy saparym. Bul elimizdiń konstıtýsıalyq qurylysyna nuqsan keltirip, memlekettik tóńkeris jasaý maqsatymen Qazaqstanǵa shabýyl jasaǵan halyqaralyq lańkester men buzaqylardyń muqıat daıyndaǵan operasıasy boldy. Qazir tergep-tekserý jumystary júrgizilip jatyr. Alǵashqy nátıjeleri de bar. Ókinishke qaraı, qurban bolǵandardyń sany óte kóp. Bul meniń de janyma batady. Qaza bolǵandardyń jaqyndary men týystaryna kóńil aıttym. Árbir jaǵdaı jiti tekseriledi. Kináliler anyqtalyp, jaýapqa tartylady. Elimizge bitimgerlik kúshterin jiberý jónindegi Qazaqstannyń úndeýine jyly ári iskerlikpen qaraǵanyńyz úshin Sizge taǵy da rızashylyǵymdy bildiremin. Bitimgerlik kontıngent strategıalyq nysandardy kúzetý turǵysynan óte mańyzdy ról atqardy, – dedi Qasym-Jomart Toqaev.
Vladımır Pýtın qańtardaǵy qaıǵyly oqıǵalarǵa qatysty óziniń pikirin bildirdi.
– Qazaqstandy el ishindegi kúrdeli jaǵdaıdy paıdalanǵan qandaı da bir halyqaralyq búlikshilerdiń qurbany boldy desek, artyq aıtqandyq emes. Reseı Ujymdyq qaýipsizdik týraly shart uıymyna múshe memlekettiń biri retinde Sharttyń 4-babyna sáıkes Qazaqstanǵa kómek qolyn sozdy. Degemen, Qazaqstan basshylyǵy negizgi ról atqardy, sondaı-aq ózderiniń isine, antyna jáne halqyna adal quqyq qorǵaý organdary men qarýly kúshter ózderine júktelgen mindetti oryndady. Osy oqıǵalar kezinde qıraǵan nysandardy qalpyna keltirý úshin kóp kúsh jumsaý qajet ekenin de bilemin. Biraq Qazaqstan Sizdiń tabandylyǵyńyzdyń arqasynda nyq tur jáne Sizdiń basshylyǵyńyzben belsendi damýda, – dedi Reseı Prezıdenti.
Prezıdentter eki el arasyndaǵy jan-jaqty baılanystardyń tabysty damýyn joǵary baǵalap, saıası, ekonomıkalyq, saýda, ınvestısıalyq jáne mádenı-gýmanıtarlyq qarym-qatynastardy tereńdetýge eki taraptyń da múddeli ekenin aıtty.
– Aldaǵy kelissóz barysynda Qazaqstannyń jáne eki eldiń de strategıalyq múddelerin qamtıtyn birqatar ózekti másele boıynsha pikir almasýdy josparlap otyrmyz. Mańyzdy kelisimge qol qoıyldy. Jalpy, ózara strategıalyq, odaqtastyq qarym-qatynastar boıynsha naqty nátıjege qol jetkizemiz dep oılaımyn. Saıası erik-jiger bar, sondyqtan naqty nátıjege qol jetkizemiz dep oılaımyn. Budan buryn da Qazaqstan men Reseıdiń Qudaı qosqan kórshi ekenin aıtqanbyz. Álemdegi eń uzyn qurlyqtyq shekara da bizge tıesili. Elderimiz arasynda dostyq pen yntymaqtastyqtan basqa qarym-qatynas bolýy múmkin emes, – dedi Qazaqstan Prezıdenti.
Reseı basshysy eki el arasyndaǵy ekonomıkalyq yqpaldastyqty arttyrýǵa nıetti ekenin málimdedi.
– Reseı Qazaqstannyń iri saýda-ekonomıkalyq seriktesi ekenin qýanyshtymyn. Halyqaralyq alańdarda da tyǵyz yntymaqtastyq ornatqanbyz, burynǵy Keńestik keńistikten tys iri halyqaralyq uıymdarda da yqpaldastyǵymyz bar. Bıyl dıplomatıalyq qatynastardy ornatqanymyzǵa – 30 jyl. Birqatar kólemdi is-shara ótkizý kózdelip otyr. Olar bizdiń iskerlik, gýmanıtarlyq baılanystarymyzǵa paıdaly bolatynyna senimdimin. Ǵarysh, energetıka, mashına jasaý salalaryndaǵy iri jobalar boıynsha birlesip atqaratyn jumys kóp, – dedi Vladımır Pýtın.
Qazaqstan men Reseı basshylarynyń kezdesýi barysynda bilim berý salasyndaǵy yntymaqtastyqqa basa mán berildi. Injenerlik-tehnıkalyq saladaǵy joǵary bilikti mamandardyń tapshylyǵyna baılanysty Qazaqstanda Reseıdiń jetekshi joǵary oqý oryndarynyń fılıaldaryn ashý jáne «Bolashaq» baǵdarlamasy aıasynda Reseıde mamandardy ázirleý jóninde ýaǵdalastyqqa qol jetkizildi.
Kelissóz qorytyndysy boıynsha bilim berý, temirjol, sıfrlandyrý, ǵaryshty ıgerý jáne atom energetıkasy salalary boıynsha mamandar daıarlaýǵa qatysty birqatar qujatqa qol qoıyldy.
1. Qazaqstan Respýblıkasy Sıfrlyq damý, ınovasıalar jáne aeroǵarysh ónerkásibi mınıstrligi men Reseı Federasıasy Sıfrlyq damý, baılanys jáne buqaralyq komýnıkasıalar mınıstrligi arasyndaǵy sıfrlandyrý salasyndaǵy tájirıbe almasý jónindegi ózara túsinistik týraly memorandým.
2. Qazaqstan Respýblıkasy Sıfrlyq damý, ınovasıalar jáne aeroǵarysh ónerkásibi mınıstrligi men «Roskosmos» ǵarysh qyzmeti memlekettik korporasıasy arasyndaǵy Jerdi qashyqtan zondtaý ǵarysh apparattarynyń derekterimen almasý jónindegi ózara túsinistik týraly memorandým.
3. Qazaqstan Respýblıkasy Energetıka mınıstrligi men «Rosatom» atom energıasy memlekettik korporasıasy (Reseı Federasıasy) arasyndaǵy Qazaqstan Respýblıkasynyń atom energıasyn beıbit maqsatta paıdalaný salasyndaǵy qadrlardy daıarlaý jónindegi ózara túsinistik týraly memorandým.
4. Qazaqstan Respýblıkasy Bilim jáne ǵylym mınıstrligi men Reseı Federasıasy Ǵylym jáne joǵary bilim mınıstrligi arasyndaǵy ózara túsinistik týraly memorandým.
5. «Qazaqstan temir joly» UK» AQ jáne «Transmashholdıng» AQ arasyndaǵy ózara yntymaqtastyq týraly kelisim.
6. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «N.E.Baýman atyndaǵy Máskeý memlekettik tehnıkalyq ýnıversıteti» federaldyq memlekettik avtonomdy joǵary oqý orny arasyndaǵy ózara túsinistik týraly memorandým.
7. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «MISıS» Ulttyq tehnologıalyq zertteý ýnıversıteti» federaldyq memlekettik avtonomdy joǵary bilim berý mekemesi (Reseı Federasıasy) arasyndaǵy ózara túsinistik týraly memorandým.
8. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «MIFI» ulttyq ıadrolyq zertteý ýnıversıteti» federaldyq memlekettik avtonomdy joǵary bilim berý mekemesi arasyndaǵy ózara túsinistik týraly memarandým.
9. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «Máskeý fızıko-tehnıkalyq ınıstıtýty» federaldyq memlekettik avtonomdy joǵary bilim berý mekemesi arasyndaǵy ózara túsinistik týraly memorandým.
10. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «I.M.Gýbkın atyndaǵy Reseı Memlekettik munaı jáne gaz ýnıversıteti (Ulttyq zertteý ýnıversıteti)» federaldyq memlekettik avtonomdy joǵary bilim berý mekemesi arasyndaǵy ózara túsinistik týraly memorandým.
11. «Halyqaralyq baǵdarlamalar ortalyǵy» aksıonerlik qoǵamy (Qazaqstan Respýblıkasy) men «Naqty mehanıka men optıka ınstıtýty» ulttyq zertteý ýnıversıteti» federaldyq memlekettik avtonomdy joǵary bilim berý mekemesi arasyndaǵy ózara túsinistik týraly memorandým.