Memleket basshysy Qasym-Jomart Toqaev «Otan Ana» monýmentine gúl shoǵyn qoıyp, Uly Otan soǵysy jyldarynda qaza bolǵan qazaqstandyq jaýyngerlerdiń rýhyna taǵzym etti. Almaty-akshamy.kz bul týraly Inform.kz-ke silteme jasap habarlaıdy.
«Sodan keıin Respýblıkalyq gvardıanyń orkestri Memlekettik ánurandy oryndady, Qurmetti qaraýyl rotasy Qarýly Kúshterdiń Joǵarǵy Bas qolbasshysynyń, Uly Otan soǵysynyń ardagerleri men tyl eńbekkerleriniń aldynan saltanatty sherýmen júrip ótti. Rásim sońynda Qasym-Jomart Toqaev ardagerlermen áńgimelesti. Prezıdent olardy Jeńis kúnimen quttyqtap, barsha qazaqstandyqtarǵa zor densaýlyq, baqyt, ashyq aspan tiledi», - delingen taratylǵan málimette.