QR Prezıdenti Qasym-Jomart Toqaev «Ortalyq Azıa-Reseı» samıtinde aıtylǵan bastamalardy iske asyrý josparyn ázirleýdi usyndy, dep habarlaıdy Almaty-akshamy.kz QazAqparatqa silteme jasap.
«Kezdesýimizdiń nátıjesi is júzinde iske asyp, óńirdiń Reseı Federasıasymen strategıalyq áriptestigine yqpal etetinine senimdimin. Aıtylǵan bastamalarǵa kelsek, áreketterdi úılestirý qajet bolady. Bizde syrtqy saıasat vedomstvosy basshylarynyń deńgeıinde jumys istep turǵan jumys organy bar», - degen Memleket basshysy Syrtqy ister mınıstrlerine búgingi kezdesýdiń qorytyndylaryn iske asyrý baǵytyndaǵy birlesken áreketterdiń josparyn ázirleýdi tapsyrýdy usyndy.
«Sondaı-aq, Ortalyq Azıa memleketteri men Reseı Federasıasy basshylarynyń birlesken málimdemesin jarıalaý usynylady», - dedi Memleket basshysy.
Aıta, keteıik samıtke Qazaqstan, Qyrǵyzstan, Ózbekstan, Tájikstan, Túrikmenstan jáne Reseı prezıdentteri keldi, olar altyjaqty formattaǵy yntymaqtastyqtyń keleshegin talqylap jatyr.