Táýelsizdik - bizdiń eń qasterli qundylyǵymyz. Egemendik - elimiz úshin jalań uran men jalyndy sóz emes. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy almaty-akshamy.kz
«Bıyl egemen el bolǵanymyzǵa 30 jyl tolyp otyr. Táýelsizdik - bizdiń eń qasterli qundylyǵymyz. Qazaqstan Tuńǵysh Prezıdentimiz – Elbasynyń dara saıasatynyń arqasynda tabysty el retinde búkil álemge tanymal boldy. Eń basty jetistigimiz - birtutas el bolyp, jańa memleket qurdyq. İrgemizdi bekitip, eńsemizdi tiktedik. Halyqaralyq qaýymdastyqtyń beldi múshesine aınaldyq. Turaqty qoǵam qalyptastyryp, ornyqty damý jolyna tústik. Memlekettiligimizdi nyǵaıtý úshin bir el bolyp, eńbek etip jatyrmyz. Egemendik - elimiz úshin jalań uran men jalyndy sóz emes. Biz úshin eń mańyzdysy - ár azamattyń táýelsizdik ıgiligin sezine alýy. Onyń basty kórinisi - eldegi beıbit ómir, qoǵamdaǵy turaqtylyq pen tynyshtyq. Sondaı-aq halyqtyń turmys sapasynyń jaqsarýy jáne jastardyń bolashaqqa nyq senimmen qaraýy. Barlyq bastamamyz osyǵan baǵyttalýda», – dedi Qasym-Jomart Toqaev.