Jańa Qazaqstan qurý - bolashaqtaǵy taǵdyrymyzdy sheshetin asa mańyzdy jumys. Bul týraly QR Prezıdenti Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Qazir búkil álemdegi ahýal ózgerip jatyr. Jańa qundylyqtarmen qatar kúrdeli syn-qaterler paıda bolýda. Osyndaı aýmaly-tókpeli ýaqytta elimiz damýdyń kelesi kezeńine qadam basty. Biz Jańa Qazaqstandy qurýǵa kiristik. Bul - óte aýqymdy mindet. Tipti, bolashaqtaǵy taǵdyrymyzdy sheshetin asa mańyzdy jumys deýge bolady. Ony oıdaǵydaı júzege asyrý úshin jańa maqsat-mindetterimizdi aıqyndap alýymyz qajet», - dedi Memleket basshysy Nur Otan partıasynyń kezekten tys sezinde.