Elimizdegi birlik pen tatýlyqqa qarsy aıtylǵan birde-bir sóz jaýapsyz qalmaýy kerek. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy almaty-akshamy.kz QazAqparatqa silteme jasap.
«Altynshy másele – Assambleıanyń aqparattyq jumysyn tıimdi júrgizý. Bul rette árbir aýdıtorıa úshin bólek ustanym bolýy kerek. Qazir elektrondy BAQ pen áleýmettik jeli aqparat taratýdyń mańyzdy quralyna aınaldy. Óńir basshylary jergilikti assambleıanyń jetekshisi retinde aqparattyq keńistikte belsendi bolýy qajet»,- dedi Memleket basshysy.
QR Prezıdenti Assambleıa músheleri medıa salada, sonyń ishinde áleýmettik jelide óz ustanymyn qorǵaı bilýi tıistigin basa aıtty.
«Elimizdegi birlik pen tatýlyqqa qarsy aıtylǵan birde-bir sóz jaýapsyz qalmaýy kerek. Assambleıa qyzmetine baılanysty aqparattyq jumys naqty kelisilip, árbir qadam biryńǵaı algorıtm boıynsha atqarylýy qajet. Memlekettik aqparattyq tapsyrys barynsha tıimdi oryndalýǵa tıis», - dedi Qasym-Jomart Toqaev.