Memleket basshysy Qasym-Jomart Toqaev Prezıdent Lýıs Inasıý Lýla da Sılvany Brazılıanyń ulttyq merekesi – Táýelsizdik kúnimen quttyqtady, dep habarlaıdy Almaty-akshamy.kz.
«Prezıdent jedelhatynda Brazılıa Qazaqstannyń Ońtústik Amerıkadaǵy mańyzdy ári senimdi seriktesi ekenine nazar aýdaryp, dástúrli dostyq rýhyndaǵy yntymaqtastyqtyń aýqymy keńeıip kele jatqanyn atap ótti», - delingen Aqorda taratqan habarlamada.
Qasym-Jomart Toqaev eki el arasyndaǵy ózara baılanystyń nyǵaıa túsetinine senim bildirip, Lýıs Inasıý Lýla da Sılvanyń asa jaýapty memlekettik qyzmetine tabys, barsha Brazılıa halqyna qut-bereke tiledi.