Úkimet agroónerkásip salasyn sýbsıdıalaýdyń uzaq merzimge arnalǵan jańa tásilderin ázirleýge tıis. Bul jaıynda QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy Almaty-akshamy.kz.
«Elimizdiń aýyl sharýashylyǵy ónimderiniń kólemin jáne onyń qosymsha qunyn arttyrý qajet. Bul – strategıalyq mindet. Qazir tek bıdaı men mal satyp otyratyn zaman emes. Úkimet agroónerkásip salasyn sýbsıdıalaýdyń uzaq merzimge arnalǵan jańa tásilderin ázirleýge tıis. Búdjet qarajatynyń qaıtarymy bolýy kerek. Memleket qarjyny ońdy-soldy shashyp, ysyrap etýge jol bermeıdi. Sýbsıdıa bólýge jáne onyń jumsalýyna júrgiziletin baqylaýdy kúsheıtý kerek», - dep atap ótti Memleket basshysy.
QR Prezıdentiniń atap ótýinshe, sharýalardyń ózara ujymdasýy aýyl sharýashylyǵyn damytýǵa jol ashady.
«Biz osyndaı pılottyq jobany júzege asyrdyq. Oǵan qatysqan aýyl sharýashylyǵy kooperatıvteriniń egini eki ese artyp, ónim bergen. Al mal basy shamamen 25 paıyzǵa kóbeıgen. Ár óńirdiń ereksheligin eskere otyryp, oń tájirıbeni búkil óńirge birtindep taratý qajet. Bul salada ozyq tehnologıalar tapshy», - dep atap ótti Qasym-Jomart Toqaev.