Prezıdent Qasym-Jomart Toqaev Almatyǵa jumys sapary kezinde qala ákimi Erbolat Dosaevty qabyldap, shahardy jaryqtandyrý, páterlerge sýdy ýaqtyly jáne tolyq berý, kósheler men aýlalardy abattandyrý boıynsha birqatar tapsyrma berdi, dep habarlaıdy aqshamnews.kz
Budan bólek, Memleket basshysy «Taza Qazaqstan» aksıasyn turaqty ári óz deńgeıinde ótkizýdiń, qalany kógaldandyrýdyń, ekologıalyq ahýaldy jaqsartý úshin kólik qozǵalysyn retteýdiń, sondaı-aq almatylyqtardy alańdatatyn basqa da máselelerdi sheshýdiń mańyzyn atap ótti.
Erbolat Dosaevqa elimizdiń eń iri qalasynyń qarjy, sport, týrısik ári mádenı haby retindegi mártebesin nyǵaıtý jáne tıisti tártipke keltirý úshin basqarý qyzmetin kúsheıtý tapsyryldy.
Qala ákimi Prezıdentke júrgizilgen jumystar jáne qabyldanǵan sharalar týraly eki aptada bir ret baıandap otyrady.