Muny Memleket basshysy Qasym-Jomart Toqaev osy Bas Assambleıanyń sesıasynda aıtty.
Buǵan deıin birneshe elde quran órtengen edi. Qazaqstan Prezıdenti álem minberinen mundaıǵa endi jol bermeý kerek ekenin aıtt, dep habarlaıdy Almaty-akshamy.kz 24.kz-ke silteme jasap.
«Biz Bas hatshy usynǵan "Beıbitshiliktiń jańa kún tártibin" qoldaımyz. Bul strategıalyq qujat álemde beleń alǵan senimsizdik pen óshpendilikke qarsy turýy kerek. Qazaqstan kelesi jyly ótetin Bolashaq samıtinde Bolashaq paktisin qabyldaý isinde syndarly jáne qoldaýshy rólin atqarady. Biraq qarý-jaraqqa tyıym salýmen nemese deklarasıaǵa qol qoıýmen ǵana beıbitshilik ornamaıdy. Beıbitshilik mádenıetin qalyptastyrýda dinaralyq jáne konfesıaaralyq dıalog mańyzdy ról atqarady.
Jýyrda qasıetti kitaptarǵa qurmetsizdik tanytý aktileri boldy. Biz osy jaǵdaıǵa alańdaýshylyq bildiremiz. Islamǵa jáne basqa da dinderge qatysty jasalǵan mundaı taǵylyq áreketterden erkindiktiń, sóz bostandyǵynyń jáne demokratıanyń nyshany bilinbeıdi. Quran sekildi qasıetti kitaptardyń bári vandalızmnen quqyqtyq turǵyda qorǵalýǵa tıis», - dedi QR Prezıdenti Qasym-Jomart Toqaev.