2024 jylǵa arnalǵan oqý josparyna sáıkes jeke quramdy testileý jáne jaýyngerlik daıarlyq pánderinen synaqtar tapsyrý qazan aıynyń sońyna deıin jalǵasady.
Onyń nátıjeleri boıynsha bólimshelerdiń jaýyngerlik ázirligi men jaýyngerlik qabiletiniń deńgeıi baǵalanatyn bolady, dep habarlaıdy aqshamnews.kz Qorǵanys mınıstrligine silteme jasap.
Qonaev garnızonynda áskerı qyzmetshiler taktıkalyq, arnaıy, atys, saptyq, dene shynyqtyrý jáne basqa da daıarlyq túrlerin qamtıtyn jaýyngerlik daıarlyqtyń negizgi pánderinen synaqtar tapsyrýda. Áskerı topografıa, radıasıalyq, hımıalyq jáne bıologıalyq qorǵanys, jaýyngerlik mashınalar men avtomobıl tehnıkasyn júrgizý daǵdylarynan bilimderi tekserilip jatyr.
Qarý-jaraq pen áskerı tehnıkanyń jaǵdaıy da zerdelenýde. Baǵynysty quramalarda jaýyngerlik daıarlyqqa basshylyq etý boıynsha laýazymdy tulǵalardyń jumysyn uıymdastyrý júıesine erekshe nazar aýdarylady.
– Árbir áskerı qyzmetshi jeke jáne bólimshe quramynda tek teorıada ǵana emes, praktıkada da emtıhan tapsyrýy tıis. Brıgadanyń árbir bólimshesi baǵalanady, – dedi 32363 áskerı bóliminiń jaýyngerlik daıarlyq jónindegi desanttyq-shabýyldaý batalóny komandıriniń orynbasary gvardıa kapıtany Baýyrjan Serýbaev.
Qarýly kúshter Bas shtaby komısıasy Áskerı-teńiz kúshteriniń daıyndyǵyn tekserdi. Keshendi tekseris áskerı qyzmetshiler men bólimshelerdi daıarlaýdyń barlyq aspektilerin qamtydy.
Birinshi kezeńde saptyq jıyn ótkizildi, onda jeke quramnyń syrtqy túrine qoıylatyn talaptardyń saqtalýy zerdelendi, memlekettik-quqyqtyq pánder men jalpy áskerı jarǵylardan bilimi tekserildi.
– Keshendi tekseris áskerı qyzmetshilerdiń daıarlyq deńgeıin baǵalaýǵa, sondaı-aq Áskerı-teńiz kúshteriniń basqarý organdary men bólimsheleriniń úılesimdilik dárejesin anyqtaýǵa múmkindik beredi, – dedi tekserý basshysy Qorǵanys mınıstrligi Strategıalyq damý departamentiniń aǵa ofıseri polkovnık Jalǵas Balabekov.
Komısıa jaýyngerlik kezekshiliktiń uıymdastyrylýyn, dıversıaǵa qarsy qaýipsizdiktiń jaı-kúıin, laýazymdy tulǵalardyń baǵynysty quramalar men áskerı bólimderdegi jaýyngerlik jáne jumyldyrý daıyndyǵy máselelerin uıymdastyrý sapasyn tekserdi.
Qorytyndy tekseris jyl saıyn oqý jylynyń sońynda barlyq áskerı bólimderde júrgiziledi. Ár jylda ótetin testileý áskerlerdiń jaýyngerlik daıyndyǵy men jaýyngerlik qabiletin qamtamasyz etýge, bólimshelerdiń tıimdiligi men úılesimdiligin arttyrýǵa baǵyttalǵan.