Oǵan Qarýly Kúshterdiń jeke quramy tolyq tartylǵan.
Qorǵanys vedomstvosynyń barlyq áskerı bólimderinde jaýyngerlik daıyndyq sabaqtary ótýde, dep habarlaıdy Almaty-akshamy.kz
Qorǵanys mınıstrliginiń málimetinshe, negizgi maqsat - jaýyngerlik ázirliktiń túrli deńgeıin engizý kezinde árbir áskerı qyzmetshiniń is-qımyl tártibin pysyqtaý.
Áskerlerdiń turaqty ornalasý pýnktterinde, polıgondarda, áýe aılaqtarynda, bastapqy pozısıalarda jáne teńizde júktelgen jaýyngerlik mindetterdi oryndaýǵa daıyndyq máseleleri is júzinde pysyqtalyp jatyr.
Desanttyq-shabýyldaý áskerleri bólimsheleriniń yqtımal qaýip-qaterlerge den qoıý daıyndyǵyn tekserý maqsatymen áskerı-kóliktik avıasıa ushaqtarymen belgilengen aýdanǵa jetkizý júzege asyryldy.
Barlyq is-sharalar jergilikti atqarýshy organdarmen, aýmaqtyq qorǵanys bólimshelerimen, basqa da áskerler men áskerı quralymdarmen ózara tyǵyz is-qımylda ótkizilip jatqanyn aıta ketý kerek.
Sabaqtar jaýyngerlik mindetterdi oryndaý kezinde árbir áskerı qyzmetshiniń praktıkalyq daǵdylaryn jetildirýge baǵyttalǵan.