Bólimshelerdi daıarlaý aldaǵy aqpan aıynda jaýyngerlik urys túrlerin qamtýmen aıaqtalady.
Qazaqstan Qarýly kúshterine 2023 oqý jylynan bastap engizilgen jarty jyldyq jaýyngerlik daıarlyq júıesine sáıkes áskerlerde bólimshelerdi úılestirýge kiristi, dep habarlaıdy Almaty-akshamy.kz.
Jaýyngerlik oqýdyń bul kezeńiniń aldynda mamandyq boıynsha daıyndyq sharalary júzege asty. Onyń barysynda áskerı qyzmetshiler bir aı boıy ózderiniń laýazymdyq mindetterin zerdelep, senip tapsyrylǵan qarý-jaraq pen áskerı tehnıkany ıgerdi. Al baqylaý sabaqtarynda ózderiniń daıyndyq deńgeıin kórsetti.
Úılestirý – kezekshi aýysymdardyń, ekıpajdardyń, eseptoptar men bólimshelerdiń quramyndaǵy áskerı qyzmetshilerdi kez kelgen jaǵdaıda qoıylǵan mindetterdi oryndaý úshin kelisilgen is-qımyldarǵa úıretý prosesi. Bólimshelerdi úılestirý «qarapaıymnan kúrdelige» ádistemelik dáıektilikpen oqytýdyń barlyq pánderi boıynsha sabaqtar barysynda júzege asyrylady. Onda bólimsheniń jaýyngerlik is-qımyldardyń tásilderin oryndaý tehnıkasy pysyqtalatyn bolady. Al ofıserler men serjanttar baǵynysty bólimshelerdi basqarýda tájirıbe jınap qana qoımaı, jaýyngerlik is-qımyldardy uıymdastyrýdaǵy daǵdylaryn, sondaı-aq moraldyq-psıhologıalyq jaı-kúıin jetildiredi.
Barlyq sabaqtar mamandandyrylǵan synyptarda, trenajerlik keshenderde jáne oqý polıgondarynda ótti.
Bólimshelerdi daıarlaý aldaǵy aqpan aıynda jaýyngerlik urys túrlerin qamtýmen aıaqtalady.