Tizimniń ózgerýine sebep – QR Densaýlyq saqtaý mınıstriniń buıryǵy.
Qazaqstan Respýblıkasy Qorǵanys mınıstrligi baspasóz qyzmetiniń habarlaýynsha, Qarýly Kúshterde paıdalanylatyn dárilik zattar tizbesinen qazaqstandyq ulttyq dárilik formýlárynda kórsetilgender alynyp tastaldy, dep habarlaıdy Almaty-akshamy.kz
Qorǵanys mınıstrligi «Medısınalyq kómek kórsetý kezinde Qazaqstan Respýblıkasynyń Qarýly Kúshterinde paıdalanylatyn Qazaqstan Respýblıkasynda tirkelgen jáne áskerı-medısınalyq mekemelerdiń (uıymdardyń) dárilik formýláryna engizilmegen dárilik zattar tizbesin bekitý týraly» Qazaqstan Respýblıkasy Qorǵanys mınıstriniń 2020 jylǵy 9 qarashadaǵy №612 buıryǵyna ózgerister men tolyqtyrýlar engizý týraly» buıryq jobasyn ázirledi.
Ózgerister men tolyqtyrýlar «Qazaqstandyq ulttyq dárilik formýláryn bekitý týraly» QR Densaýlyq saqtaý mınıstriniń 2021 jylǵy 18 mamyrdaǵy № QR DSM – 41 buıryǵyna sáıkes engiziledi.
Klınıkalyq qaýipsizdigi men tıimdiligi dáleldengen dárilik zattardyń, sondaı-aq sırek kezdesetin dárilik preparattardyń jańartylǵan tizbesi medısınalyq uıymdardyń dárilik formýlárlaryn ázirleý jáne tegin medısınalyq kómektiń kepildik berilgen kólemi sheńberinde, sondaı-aq mindetti áleýmettik medısınalyq saqtandyrý júıesinde satyp alý tizimderin qalyptastyrý úshin mindetti negiz bolyp tabylady.
Jańa redaksıada qujatqa «Halyq densaýlyǵy jáne densaýlyq saqtaý júıesi týraly» QR Kodeksi 195-babynyń 3) tarmaqshasyna sáıkes áskerı qyzmetshilerge medısınalyq kómektiń qosymsha kólemin kórsetýge arnalǵan dárilik zattardyń tizimi engizildi.
Qujattyń tolyq mátinimen osy jerden tanysýǵa bolady.