«Jaýyngerlik daıyndyq mamany kúnine» oraılastyrylǵan saltanatty is-sharaǵa Qorǵanys mınıstriniń birinshi orynbasary – Qazaqstan Respýblıkasy Qarýly kúshteri Bas shtabynyń bastyǵy general-leıtenant Sultan Qamaletdınov qatysty.
Qorǵanys mınıstriniń birinshi orynbasary jaýyngerlik daıyndyq áskerı qyzmetshilerdi oqytýdyń ajyramas bóligi ekenin atap ótti, dep habarlaıdy aqshamnews.kz Qorǵanys mınıstrligine silteme jasap.
Jaýyngerlik daıarlyq mamandarynyń kúndelikti qajyrly eńbegi Qazaqstan áskeriniń qorǵanys qabiletiniń negizin quraıdy.
– Sizderdiń eńbekterińizdiń arqasynda bizdiń bólimsheler árqashan jaýyngerlik daıyndyqta bolady, – dedi general-leıtenant Sultan Qamaletdınov. – Ofıserler men sarbazdardyń bilimi men daǵdylaryn jetildirýge kómektesip kelesizder.
Qazaqstan Respýblıkasy Qorǵanys mınıstri general-polkovnık Rýslan Jaqsylyqovtyń buıryǵymen 6 áskerı qyzmetshi «El qorǵany» medalimen, 5 áskerı qyzmetshi «Qazaqstan Respýblıkasy Qarýly kúshteriniń úzdigi» tósbelgisimen marapattaldy. Baǵaly syılyqpen (qol saǵattarymen) 30 áskerı qyzmetshi, gramotalarmen 27 áskerı qyzmetshi marapattalyp, 15 áskerı qyzmetshige alǵys jarıalandy.
Qorǵanys mınıstriniń birinshi orynbasary – Qazaqstan Respýblıkasy Qarýly kúshteri Bas shtaby bastyǵynyń buıryǵymen 29 áskerı qyzmetshi gramotalarmen marapattaldy, 15 áskerı qyzmetshige alǵys jarıalandy.