Almaty qalasynda KVI boıynsha epıdemıologıalyq jaǵdaı nasharlap barady. Bul týraly onlaın brıfıńte Almaty qalasynyń Bas memlekettik sanıtarlyq dárigeri Qarlyǵash Ádbijabbarova aıtty, dep habarlaıdy Almaty-akshamy.kz
Onyń sózine qaraǵanda, sońǵy eki aptada 100 myń turǵynǵa shaqqanda aptalyq syrqattanýshylyqtyń artýy 6,5-nan 2 esege deıin baıaýlady. Degenmen, kúndelikti ósim 0,97-den 1,24-ke deıin kóterildi. Qańtar aıynda KVI aýrýy: 1 aptada - 1025 jaǵdaı, 2 aptada – 6050 jaǵdaı, 3 aptada - 13133 jaǵdaı, ıaǵnı 12,8 ese ósken.
«Delta» shtamynan keıin kelgen «omıkronǵa» baılanysty aýrýdyń kúrt ósýi oryn aldy, «omıkron» juqtyrǵan jaǵdaılardyń sany táýligine 2,5 myńǵa deıin birtindep ósti. Aıdyń sońyna qaraı bir táýlikte 3 myńǵa deıin aýrýdy tirkeý kútilýde», - dedi spıker.