Premer-mınıstrdiń orynbasary - qarjy mınıstri Erulan Jamaýbaev bıyl 9 aıda memleket qarjysyn ıgere almaı otyrǵan mınıstrlikter men óńirlerdi atady, - dep habarlaıdy almaty-akshamy.kz.
2023 jylǵy 9 aıda memlekettik búdjetke 13,8 trıllıon teńge jáne respýblıkalyq búdjetke 9,2 trıllıon teńgege jýyq kiris túsken.
Aqparat derekkózi: https://massaget.kz/basty-zhaalytar-438/92209/
Jergilikti búdjetterdiń kirisi 4,7 trıllıon teńge bolǵan. Respýblıkalyq búdjetke 16 trıllıon teńgege shyǵystar júrgizilgen. Atqarylmaý - 70 mlrd teńge, onyń ishinde únemdeý - 16 mlrd teńge.
"54 mlrd teńge ıgerilmegedi. Igerilmeýdiń neǵurlym iri somalary Ekologıa jáne tabıǵı resýrstar, Týrızm jáne sport, İshki ister jáne Tótenshe jaǵdaılar mınıstrlikterinde qalyptasty", - dedi mınıstr Úkimet otyrysynda. Sondaı-aq jergilikti búdjetterdiń shyǵystary 9 trıllıon teńge bolǵan.
49 mlrd teńge atqarylmaǵan. Bıyl óńirlerge 2 trıllıon teńgege jýyq nysanaly transfertter kózdelip otyr.
"Olarǵa 1 qazanǵa 1 trıllıon 112 mlrd teńge bólingen. Onyń 98,5 paıyzy ıgerilgen. Atqarylmaǵany - 17 mlrd teńge. Onyń ishinde 1 mlrd teńge - únemdeý, 16 mlrd teńge ıgerilmegen. Eń kóp ıgerilmeý - Astana qalasy, Mańǵystaý, Atyraý jáne Qaraǵandy oblystarynda", - dedi vıse-premer.
Igerilmeýdiń negizgi sebepteri kelesideı:
Konkýrstyq rásimderdi uzaq merzimde ótkizý;
Sharttardy, qosymsha kelisimderdi jasasý rásimderin uzaq júrgizý;
shot-faktýralar men atqarylǵan jumys aktilerin ýaqytyly usynbaý jáne taǵy basqa.
Aqparat derekkózi: https://massaget.kz/basty-zhaalytar-438/92209/