QMA jartyjyldyq jumysyn qorytyndylady.
Qarjy pıramıdalaryna qatysty 22 qylmystyq is qaralyp jatyr, dep habarlaıdy Almaty-akshamy.kz
Qarjy monıtorıńi agenttiginiń tóraǵasy Dmıtrıı Malahov 19 mıllıard teńgeden astam memleket qarajatyn urlaýdyń 111 oqıǵasyna qatysty qylmystyq is tergelip jatqanyn málimdedi.
"Azamattardy alaıaqtyq sqemalarǵa tartýdan qorǵaý maqsatynda qarjy pıramıdalaryn uıymdastyrýshylarǵa qatysty 22 tergeý bastaldy. Quqyqqa qarsy mazmundaǵy 14 myń silteme aldyn ala buǵattalyp, 100-den astam quqyqqa qarsy chattar men akkaýnttar joıyldy", – delingen agenttiktiń habarlamasynda.
Budan bólek, 19,2 mıllıard teńgege búdjet qarajatyn urlaýdyń 111 faktisi boıynsha sotqa deıingi tergeý sharalary júrgizilip jatyr.
"Jalpy, qylmystyq ister boıynsha ótem 3,5 ese (48,3-ten 164,4 mlrd teńgege deıin), onyń ishinde aqsha 7 ese (11-den 79 mlrd teńgege deıin) ulǵaıdy, bul jumys tıimdiliginiń artqanyn kórsetedi", – delingen habarlamada.